Doodsteek veur de blues (versie Pé)

Ik wacht nog aal op hét moment dat het eindelijk gebeurt
Dat ik deur zwoare ellende en emoties wordt verscheurd.
Wanneer roak ik nou es totallos, is mien haile leven in toes
Vol tegenslag en trammelant veur n troanentrekkende blues.
Wel bezorgt mie nou, al is t ain keer, ondroagelijk veul pien
Nou heb je hier weer zo n lullige tekst van 13 in n dozien
Ik denk ik pap aais aan mit ogenschienlijk n famme fatoal
Mor ook dis keer al weer mislukt het schient ze willen mie allemoal.
Joa ik wil zo geern de blues,  mor het lukt mie alsmor nait
En wéér is hier zo’n opgewekt, en saai en vrolijk laid.
Ik leef denk ik veuls te vrolijk mit een veuls te laive vraauw
Het oetzicht in mien leven wordt doardeur nooit meer gries en graauw
Was ik nét sikkeneurig , veur de blues een goud humeur
Din is dat al weer vot as ik mor even denk aan heur.
Dr waren ook nooit problemen,ja, bie mien pa en moeke thoes
Wat haar ik n schiere jeugd: de doodsteek veur de blues.

CREDITS
Doodsteek veur de blues (versie Pé)
Tekst:
P. de Haan
Muziek: Manu Chao
Origineel: Clandestino / Manu Chao
Verschenen op de CD Pé & Rinus goan weer lös

Comments are closed.