Carnaval in ’t Noorden

Pé Daalemmer & Rooie Rinus – Carnaval in t Noorden

carnaval in t noorden, dat is n feest mit pit
van veendam noar olle pekel, elkenain dut mit
van hoogezand tot sappemeer
van grönnen tot an stad
elkenain gaait plat

op de eerste lp-versie zingt Rinus:
oom rieks dij was ontsloagen doar bie avebe
hai zat moar aals te kloagen en hij was nait half tevree
moar nou werd hai weer vrolijk mit carnaval in t zicht
en zulfs bie dit refrain holt hai zien bek nait dicht

het gaait nait aal te best mit de grunneger fc
moar dat ligt an t seizoen en dat wordt wel weer oké
want zo rondom carnaval din kriegen ze smoak te pakken
en dai aandere voetbalclubs dai kinnen goan zakjes plakken!

de oom van rooie rinus is buschauffeur in stad
as hai over de grode maarkt scheurt goan alle fietsers plat
lest had e ain te pakken in de buurt van v&d
en alle mensen in de bus dai zongen toun tevree

(versie Jubileumtoernee, september/oktober 2006:

de oom van rooie rinus is buschauffeur in stad
as hai over de grode maarkt scheurt goan alle fietsers plat
lest stond e even stil in de buurt van Vindicat
ja de oom van rooie rinus is buschauffeur in stad!)

oom rieks en tante greta oet oosterhogebrug
dai mozzen ains noar stad tou en doarnoa ook weer terug
ze stonden op zuderdaip in hun dikke slee
oom rieks zee:’ hou in hemelsnoam kommen wie bie v&d?’

de zesde keer op t zuderdaip zee greta tot heur man:
‘man dat is gain doun hier mit dat circuloasieplan
van al dai domme pielen roak ik doaneg in de war
ik koop veurtoan mien pinda’s weer gewoon bie onze spar!

lutje jan
olle kloas
en din nog netuurlek de overbuurvraauw van
mien zwoager zien dochter oet wirdumerdraai
dai kreeg in december al kriebel in t gat
en is nou nog steeds an de zwier en de zwaai
en is t nog laang nait zat!

CREDITS
tekst en muziek: P. de Haan / F.J. den Hollander
verschenen op: Op Verziede in Waskemeer en t Beste

terug naar Teksten Pé Daalemmer & Rooie Rinus